अन्याय सहन करणा-यां महिलांची संख्या चिंताजनक- न्यायाधिश व्ही.एच.चव्हाण

अंबरनाथ : अन्यायाविरोधात लढणा-यांची संख्या ही वाढत आहे. अन्याय सहन न करता त्याच्याविरोधात आवाज उठविणा-या महिला आज पुढे येत आहेत. मात्र समाजाच्या एका विशिष्ट गटात आजही अनेक महिला अन्याय सहन करुन गप्प बसत आहेत. ते आजही अन्यायाविरोधात पुढे येत नाही. त्यांची ही भूमीका महिला अत्याचाराच्या घटनेत वाढ करणारी ठरत आहे असे मत उल्हासनगर न्यायालयाचे मुख्य न्यायाधिश व्ही.एच.चव्हाण यांनी व्यक्त केले. अंबरनाथ नगरपरिषद व उल्हासनगर न्यायालय तालुका विधी समितीच्या वतीने ज्ञानज्योती सावित्रीबाई फुले यांच्या जयंतीनिमित्ताने पालिका सभागृहात महिला सक्षमिकरण मार्गदर्शन शिबिराचे आयोजन करण्यात आले होते. यावेळी चव्हाण यांनी महिलांवरील अत्याचार मिटविण्यासाठी कायदे मोठय़ा प्रमाणात असुन ते सर्व कायदे प्रभावी देखील आहेत. महिलांवरील अत्याचार संदर्भातील कायद्यांचा काही लोक गैरफायदा घेण्याचा प्रय} करित आहेत.ही प्रवृत्ती बदलण्याची गरज आहे. कायदे महिलांच्या बाजुने असले तरी त्याचा गैरफायदा घेण्याची वृत्ती वाढल्यास तो भविष्यात महिलांसाठी त्रसदायक ठरू शकेले असे वैयक्तीक मत चव्हाण यांनी व्यक्त केले. तर न्यायाधिश के. एम.मराठे यांनी सावित्रीबाई फुले यांच्या संघर्षाची आणि त्यांच्या कर्तृत्वाची माहिती दिली. तर न्यायाधिश बी. बावकर यांनी महिलांसाठी असलेल्या कायद्यांची माहिती देत त्या कायद्यांचा कोणत्या परिस्थितीत वापर करता येईल याची कल्पान उपस्थित महिलांना दिली. न्यायधिश एन.ए.माने यांनी देखील सावित्रीबाई फुले यांच्या कार्याची माहिती उपस्थितांना दिली. माजी नगराध्यक्ष मनिषा वाळेकर यांनी महिलांसाठी असलेल्या कायद्यांचा वापर आणि त्याचा गैरवापर कसा होतो याची कल्पना उपस्थितांना करुन दिली. गैरवापर झाल्यास त्याचा थेट परिणाम त्या महिलेवरच होतो. त्यामुळे कायद्यांचा गैरवापर होणार नाही याची काळजी घेण्याचे आवाहन केले. तसेच कौटुंबिक वाद हे घरच्या घरी किंवा एखाद्या मध्यस्थिच्या मदतीने मिटविणो हे शहाणपण असल्याचे मत त्यांनी व्यक्त केले. तर पालिकेच्या विधी विभागाच्या सल्लागार अॅड. साधना निंबाळकर मार्गदर्शन करतांना म्हणाल्या की सावित्रीबाई यांनी जो संघर्ष सुरू केला होता तो संघर्ष त्या काळातील समाजाच्या विरोधात होता. आजही परिस्थिती तशिच असुन केवळ संघर्ष हा समाजाबरोबर नसुन घरातील माणसांसोबत होत आहेत. त्यामुळे हा संघर्ष कमी करण्यासाठी प्रय} होण्याची गरज त्यांनी व्यक्त केली. या कार्यक्रमाला न्यायाधिश एन.आर.गजभिये, मुख्याधिकार डॉ. प्रशांत रसाळ, अतिरीक्त मुख्याधिकारी डॉ. धीरज चव्हाण, वरिष्ठ पोलीस निरिक्षक संजय धुमाळ, माजी नगराध्यक्षा प्रज्ञाबनसोडे, पी.एल.व्ही. सदस्या चंदा गान, गुलाब जाधव, स्नेहल उपासनी आदी मान्यवर उपस्थित होते.